ASAMBLEJA KOMBËTARE
Asambleja Kombëtare është përfaqësia e të gjithë anëtarëve të organizatës “Lidhja e Hoxhallarëve të Shqipërisë”. Mblidhet një herë në vit në kongresin vjetor. Përbëhet nga Kryetari, n/Kryetari, Sekretari. Përveç anëtarëve që aderojnë në organizatën “Lidhja e Hoxhallarëve të Shqipërisë” në kongres mund të ftohen individë e personalitete nga organizata dhe institucione simotra në Republikën e Shqipërisë dhe jashtë saj, të ftuara nga Këshilli i Përhershëm.
Asambleja ka këto kompetenca:
- Organizon dhe administron mbarëvajtjen e kongresit vjetor të organizatës “Lidhja e Hoxhallarëve të Shqipërisë”.
- Përzgjedh vendin dhe kohën e caktuar.
- Planifikon diskutimet ligjëruesve në kongres.
- Harton diskutimet e workshopëve që organizohen gjatë punimeve të kongresit.
- Harton rezolutën dhe direktivat që dalin nga diskutimet e kongresit.
- Miraton ose jo me shumicë të thjeshtë votash zgjedhjen e kryetarit të Lidhjes së Hoxhallarëve të Shqipërisë nga Këshilli i Përhershëm.
- Propozon emra të rinj sipas nevojës së paraqitur për zgjerimin e Këshillit të Përhershëm.
- Bën propozime për platformën e aktivitetit të Lidhjes së Hoxhallarëve.
