Këshilli i Përhershëm
Këshilli i Përhershëm është organi më i lartë dhe i pandryshueshëm i anëtarëve themelues të organizatës “Lidhja e Hoxhallarëve të Shqipërisë”, i cili ka këto kompetenca:
- Nxjerr gjykime fetare për temat që ngrihen.
- Miraton për botim studimet shkencore që përgatiten nga Bordi i Studiuesve.
- Ngre sektorë ose miraton tabelat e organizimit dhe punës, të propozuara nga bordi ekzekutiv.
- Amendon statutin bazë të organizatës “Lidhja e Hoxhallarëve të Shqipërisë”, nëse propozohet nga Kryetari ose dy të tretat e anëtarëve dhe miratohet prej tyre.
- Diskutimi, promovimi dhe amendimi i agjendës së punës së propozuar nga Drejtori ekzekutiv.
- Rishqyrtimi i çështjeve të mbartura nga sesionet e mëparshme të mbledhjeve të Këshillit të Përhershëm.
- Miratimi i raportit vjetor të organizatës “Lidhja e Hoxhallarëve të Shqipërisë”, ku të përfshihet edhe buxheti dhe llogaritë përmbyllëse.
- Realizimi i çdo detyre tjetër që ndihmon në zbatimin e qëllimeve të organizatës “Lidhja e Hoxhallarëve të Shqipërisë”.
- Rishqyrton zgjedhjen e kryetarit të Lidhjes së Hoxhallarëve të Shqipërisë, nëse ai nuk aprovohet nga Asambleja e Përgjithshme dhe zgjedh një kryetar të ri.
- Vendimi i Këshillit të Përhershëm është i zbatueshëm kur miratohet nga jo më pak se dy të tretat e anëtarëve të tij.
Kryetari i Këshillit të Përhershëm propozohet dhe zgjidhet nga anëtarët e Këshillit të Përhershëm dhe duhet të plotësojë këto kushte:
- Kryetari i Këshillit të Përhershëm zgjidhet me një mandat dy vjeçar. Kandidati për mandatin e katërt nga themelimi duhet të ketë mbrojtur masterin.
- Kryetari duhet patjetër të njihet në terren me cilësinë e Hoxhës. Të ketë ligjërata fetare, hutbe, pjesëmarrje në simpoziume dhe të njihet në radhën e besimtarëve. Një kandidat i cili nuk i plotëson këto kritere nuk mund të kandidojë për postin e kryetarit.
- Për postin e kryetarit që do të zgjidhet për mandatin pesëvjeçar duhet të ketë më shumë se një kandidaturë.
